Þarftu lán til að brúa bilið?

Stundum kemur eitthvað upp á - og það vantar smá upp á!

Við erum að byrja að lána hægt og rólega og getum því aðeins boðið mjög fámennum hópi að taka yfirdrátt fyrst um sinn. Þess vegna höfum við sett strangari lánakröfur í upphafi en vonumst til að geta víkkað út skilyrðin í náinni framtíð.

indó lán

Við bjóðum upp á tvær tegundir af skammtímalánum: yfirdrátt og fyrirframgreidd laun! Sjáðu hvort lánið hentar þér betur…

Tímabundið lán til að mæta óvæntum útgjöldum

Betri yfirdráttur

Yfirdráttur er alltaf dýr! Við viljum hjálpa þér að losa þig við hann aftur! Þess vegna færð þú enn betri vexti ef þú gerir plan um að lækka yfirdráttinn mánaðarlega!

Sjá lánaskilyrði

Ókeypis lán í lok mánaðar

Fyrirframgreidd laun

Ef þú færð launin þín á indó reikninginn þinn getur þú fengið 25.000 kr. fyrirframgreitt í lok hvers mánaðar. Lánið er ókeypis og endurgreiðist sjálfkrafa fyrsta virka dag eftir mánaðarmót.

Sjá lánaskilyrði

Fyrirframgreidd laun

Stutt ókeypis lán

Sumir mánuðir geta verið erfiðari en aðrir og stundum er erfitt að ná endum saman. Okkur finnst að maður ætti ekki að þurfa að taka rándýrt smálán fyrir síðustu matarkörfunni - og við getum boðið stutt, ókeypis lán ef við vitum að við fáum það greitt til baka eftir örfáa daga.

Greiðist sjálfkrafa til baka

Þú þarft ekkert að hugsa um að borga peninginn til baka - við rukkum hann þegar það kemur peningur aftur inn á reikninginn.

Þá þarftu ekki að fleyta láninu neitt áfram. Þetta virkar bara alveg eins og að fá smá fyrirfram af laununum nokkrum dögum fyrr - eins og í gamla daga.

Hægt er að fá 25.000 kr. fyrirfram í hverjum mánuði

Hægt er að fá 25.000 kr. fyrirfram frá 25. hvers mánaðar og fram að mánaðamótum. Þú sækir um með því að smella á reikning efst uppi í hægra horni á heimaskjánum.

Þú þarft ekki að vera með formlegan launareikning

Þú þarft ekki að fá launin þín formlega beint inn á indó frá vinnuveitanda. Við þurfum bara að sjá að það hefur komið regluleg færsla sem svipar til launagreiðslu í kringum síðustu þrjú mánaðamót.

Við þurfum í raun bara að treysta á að það komi peningur inn um mánaðamótin til að rukka lánið til baka.

Yfirdráttur

Yfirdráttur er alltaf dýr!

Yfirdráttur er dýrt lán og því ætti alltaf að hugsa hann sem tímabundið lán til að mæta óvæntum útgjöldum.

Við hönnuðum yfirdráttinn okkar með það sérstaklega í huga að það ætti að vera hvetjandi að losna við yfirdráttinn sem fyrst og því færðu betri kjör með lægri vöxtum ef þú gerir plan til að minnka heimildina mánaðarlega.

Gerðu plan!

Þú finnur yfirdráttinn inni í “reikningur” efst í hægra horni.

Við mælum með að gera strax plan til að lækka hann niður - og fá þannig betri vexti. Þú getur tekið pásu frá planinu hvenær sem er - en þá hækka vextirnir aftur, þar til þú treystir þér aftur í planið og þá borgar þú lægri vexti á ný!

Hvernig virkar yfirdráttur?

Þegar þú sækir um yfirdrátt hefurðu tæknilega séð ekki fengið peninginn lánaðan. Þú ert að fá leyfi - eða yfirdráttarheimild - frá okkur til að taka lán. Þegar þú hefur svo klárað peninginn á debetreikningnum byrjar þú að nota yfirdráttinn. Þá ertu að fá lánað - og borgar vexti af þeirri upphæð.

Hvað kostar að vera með yfirdrátt?

Það er enginn aukakostnaður við að taka yfirdráttinn: engin lántökugjöld, breytingagjöld né önnur gjöld.

Yfirdráttur er dýr vegna vaxtanna. Við rukkum þig vexti í lok hvers mánaðar - af þeirri upphæð sem þú notar af yfirdrættinum. Ef þú notar yfirdráttarheimildina ekkert, borgar þú ekkert.

spurt og svarað um lán