indó lán

indó lán er bara ósköp venjulegt lán með jöfnum mánaðarlegum afborgunum - nema með ýmsum sniðugum lánatrixum.

Tæknilega séð er þetta skuldabréfalán og einhver myndu kannski kalla þetta framkvæmdalán - en þú getur kallað lánið þitt það sem þú vilt! Lánið getur þú tekið fyrir nýju þaki, gömlum bíl, eldhúsframkvæmdum eða jafnvel til að sameina lítil lán í eitt lán.

Lánatrixin

Lánatrixin eru til að hjálpa þér að stjórna láninu þínu! Þau geta hjálpað þér að borga lánið hraðar niður (psst.. það er eitt besta sparnaðarráð í heimi). Þau geta líka veitt þér smá svigrúm þegar þannig stendur á!

Túrbó

Við viljum auðvelda þér að borga lánið hraðar niður. En við vitum að það getur verið erfitt að skuldbinda sig að borga alltaf meira. Þess vegna bjóðum við þér upp á að skella láninu á túrbó stillingu - án pressu og skuldbindingar!

Ef þú setur lánið á túrbó velur þú smá meira til að greiða í hverjum mánuði. Ef það verður of mikið þá bara slekkur þú á túrbó. Ekkert stress.

Slökun

Sumir mánuðir eru erfiðari en aðrir og þá er gott að slaka aðeins á! Þú getur sett indó lánið þitt í slökun í þrjá mánuði og borgað bara vextina á meðan.

En auðvitað þarf alltaf að hafa í huga að eftir smá pásu kemur sprettur því greiðslurnar hækka eftir slökunina.

Frysta

Ertu ekki að ráða við greiðsluna þennan mánuðinn? Það er einfalt og fljótlegt að frysta indó lánið í appinu. Það er gott að fara sparlega með þetta trix og eiga möguleikann inni þegar virkilega á þarf að halda.

Lánaskilyrði

Þetta lán er á breytilegum vöxtum. Kíktu í verðskrána okkar til að sjá vextina! Það er alltaf hægt að borga inn á lánið í appinu - og auðvitað kostar það ekki neitt! Lánið er óverðtryggt og með jöfnum afborgunum. Af því að það er með jöfnum afborgunum eru mánaðarlegar greiðslur hærri í upphafi - af því að vextirnir eru hærri í upphafi.

Sjá lánaskilyrði